FESTA FIN DE CURSO 2018

Ola familias,

 hoxe desfrutamos dunha festa....pero dunha festa das máis guais, guais.

O día non poido estar mellor, soliño e calor que aproveitamos para refrescarnos no inchable acuático, despois de haber feito a nosa parte de exercicio no asalto á xungla, un inchable no que tivemos que sortear obstáculos e escalar para chegar ó final. A escuma encheu a nosa pista de ilusión e diversión.

E como todo isto dá mooooita fame....merendola do mellor grazas a todos os nosos colaboradores, a todos, que aportaron de algún xeito o seu gran para facer deste día un día especial. Estes son:

O Concello de Fene, Mesón O Cazador (Limodre), Patacas Fritidas A Casa Vella, Meigas Fóra (Polígono Vilar do Colo), Cantina O Pote (Maniños), Pura tenda (Maniños), Panadería El Cruce (Maniños), Panadería JCastro (Neda), Cafetería Bombay (Fene), Gadis, Eroski Fene, Leite Celta e Copistería Rofer (Perlío).

Grazas a todos os que viñéchedes hasta aquí, fainos moita ilusión que nos acompañedes.

Bo verán e felices vacacións!!! Vémonos axiña.

PROGRAMA FESTA FIN DE CURSO 2018

Ola familias,

 recordade que mañá, Mércoles 20 de Xuño, teremos festa no noso cole para celebrar o remate de curso. 

A partir das 9:30 comenzará a funcionar o inchable seco ata as 11:30h. De 11:30h a 13:30h, para refrescarse inchable acuático e festa da escuma. Merenda a media mañá para tod@s.

Estades convidad@s a acompañarnos.

Parece que vai quentar o sol, así que recordade botar protector solar, traer bañador, toalla, chanclas, gafas para a escuma (non é imprescindible) e calcetíns para o inchable seco. E si queredes muda para cambiarse.

Esperamos pasalo de marabilla e que vos acheguedes a compartir eses momentos con nós.

Vémonos mañá. Festaaa!!!

CONVOCATORIA DE ASAMBLEA ANPA RIO DE VA

Ola familias,

 recordade que mañá martes 19 de xuño ás 17:00h, antes de que cheguen da excursión, teremos asamblea da anpa no salón de actos.

CONVOCATORIA DE ASAMBLEA

Convócanse a todos os soci@s da ANPA á asamblea xeral de fin de curso que terá lugar no salón de actos do CEIP Plurilingüe Os Casais, no día e hora que deseguido se indica, có obxecto de tratar os asuntos relacionados na orde do día:

Día da asamblea: Martes, 19 de Xuño de 2018.

Hora: 17:00h

Orde do día:      Estado de contas.
                          Cambio da directiva da ANPA.
                          Información xeral do curso.
                          Rogos e preguntas.

Vémonos!!!

EXHIBICIÓN FIN DE CURSO EXTRAESCOLARES

Ola familias,

 o pasado xoves fixemos unha pequena mostra do que aprendimos durante o curso nas actividades extraescolares.

Grazas a todos os que vos acercáchedes ó cole para pasar ese ratiño con nós, por acompañarnos e animarnos, por compartir cós peques o voso tempo.

Bailamos, representamos, deixamos voar a nosa imaxinación inventando algo para salvar o mundo e patinamos como profesionais.

Grazas a os nosos monitores, María, Óscar e Pablo, por aprendernos tanto e ser tan guais. Agora toca desfrutar do verán, pero axiña nos vemos en Outubro.

FIN DE CURSO ACTIVIDADES EXTRAESCOLARES 2017-2018

Ola familias,

 recordade que mañá xoves 7 de xuño faremos o fin de curso das actividades extraescolares. Será a partir das 12:00h no salón de actos e na pista exterior, si o tempo o permite.

Estades tod@s convidad@s. Vémonos!!!