NOVAS MEDIDAS ORGANIZATIVAS DOS SERVIZOS DE CONCILIACIÓN

Ola de novo familias;

Queríamos comunicarvos que, tras facer un pequeno análise destes primeiros meses como xunta directiva do Anpa Río De Va, detectamos certo descontrol a hora de xestionar as asistencias e faltas aos servizos de conciliación, por parte das damilias.

E por iso, que decidimos establecer novas medidas organizativas que continúen favorecendo a conciliación familiar e diminúan a carga mental e de traballo das membras responsables destes servizos e de Mireia (a que lle temos que trasladar todos os vosos avisos e demandas).

As novas medidas para garantizar a boa xestión destes servizos serán: 

1. Usar os grupos de WhatsApp de cada servizo para dar os avisos, así os poderán ver máis membros da Anpa e minimizamos erros, a excepción de casos máis persoais, que entendemos, requerirán un trato individualizado.

2. Os avisos de faltas ou asistencia comunicaranse antes das 21:00 do día anterior para todos os servizos, tendo así máis marxe para responderos e avisar a Mireia.

3. En casos de urxencia (enfermidade, traballo de última hora...), poderase avisar na mesma mañán, cos seguintes horarios.

.  Concilia-mañás; de 7:00 a 7:45.

 . Comedor de 8:00 a 8:50.

 . Ludoteca antes das 10:00. 

4. As persoas responsables de cada servizo estarán activas (na medida en que a súa vida lles permita), nos grupos de WhatsApp correspondentes, de luns a venres e os domingos polas tardes, para os avisos de cara a semana ou mes seguinte.

5. Entendemos que sempre hai urxencias e excepcións puntuais. Nestes casos non teremos ningún problema en responderos (na medida en que poidamos),  fóra dos horarios e días pautados.

Estamos seguras, que co noso compromiso e coa vosa implicación para facer un uso responsable dos servizos de conciliación, conseguiremos mellorar a  súa organización. 

Moitas grazas pola vosa atención e colaboración.

Un saúdo. 

Anpa Río De Va.

https://drive.google.com/file/d/1m8YllCSVD2t-djGmEAh685zheoPmRNpd/view?usp=drivesdk

A Anpa Río de Va informa a todas as socias e socios dos acordos acadaos na asemblea ordinaria do 18 de decembro do 2024:  

ASEMBLEA ORDINARIA DA ANPA RÍO DE VA DO CEIP OS CASAIS

ACTA Nº 01/2024

REUNION da asemblea xeral extraordinaria da asociación de nais e pais RÍO DE VA do CEIP Os Casais celebrada o 18 de decembro de 2024 nas instacacións do centro educativo sitas en MANIÑOS-FENE (A CORUÑA)

ASISTENTES DIRECCIÓN ANPa:

Roberto Rodriguez. Presidente

Fátima Leira. Secretaria

María Varela. Tesoureira

Laura Berceiro. Vogal

Nuria Vicente. Vogal

.-

Ás 16:30 primeira convocatoria e ás 17:00 segunda convocatoria e constitución.

ORDEN DEL DIA:

1º Aprobación contas 2023/2024

2º Aprobación orzamento anual 2025

3º Aprobación actividades 2025

4º Continuidade e viabilidade do servizo de ludoteca 2025

5º Rogos e preguntas

Ás 17 inicio da reunión informando á secretaria das subvencións solicitadas pola Anpa para cubrir os gastos de coidadora dos servizos de concilia-mañás, comedor e ludoteca e os gastos das actividades permanentes que se desenvolven; saídas teatro, Magosto, Samaín, Nadal, etc. Posteriormente o presidente explica o estado das contas actual que ascenden a 5.672 eutos tras recibir o pago da subvención nominativa do concello de Fene e aínda sen abonar o pago de dúas cotas do menú de comedor. O presidente informa que estamos á espera nestes días de recibir o pago da subvención Concorrencia do concello de Fene que ascende a uns 1.070 euros. Infórmase que este ano recibimos algo menos que no curso pasado xa que este curso 2024-2025 non temos actividades extraescolares.

As contas e as actividades extraescolares apróbanse con 14 votos a favor, o total dos participantes.

Explícase tamén a previsión de orzamento para este curso 2024-2025. Os asistentes valoran a posibilidade de conseguir novos ingresos xa que a ANPA sempre traballa con moi poucos recursos. A dirección da ANPA solicita que os socios e socias propoñan novas formas de ingresos.

Apróbase o orzamento con 14 votos a favor en 0 en contra. O total dos participantes

A secretaria explica que as actividades extraescolares contaban cun número insuficiente de rapaces e rapazas e que xa a directiva anterior da Anpa decidiu substituír este servizo que supuña un custo para os proxenitores polo servizo gratuito de ludoteca que amplía nunha hora a permanenza no CEIP. O servizo de ludoteca non se pode incluír nos gastos da subvención Concorrencia do concello de Fene.

O presidente explica as actividades previstas para este curso, que seguen a liña continuista do pasado 23/24. A xestión das mesmas recae de novo na directiva da ANPA; ao igual que a xestión de comedor, concilia-mañás e ludoteca. O presidente explica tamén as peticións reiteradas ao concello de Fene para que asuma estes servizos de conciliación familiar e as negativas recibidas desde o órgano.

A secretaria expón a situación actual da ludoteca. Está pagado coa empresa o servizo de coidadora destes catro meses do ano e do mes de xuño, mais os meses de xaneiro a maio deberán incluirse na subvención Corresponsales da Xunta de Galicia que se solicita o ano que vén. De xeito que primeiro a Anpa debe xerar as facturas que xustifiquen o gasto e despois incluílas na subvenión. Isto significa que a Anpa debe asumir un risco financiero duns 2.000 euros polo propio sistema de subvencións. A secretaria explica que nas contas deste ano si estaba incluídos os catro meses(setembro a decembro) de ludoteca como servizo de conciliación familiar e que este gasto foi aprobado na subvención Corresponsales da Xunta de Galicia. Ademais indica que a subvención ten un tope duns 14.000 euros para cada entidade dos que a ANPA Río de Va solicita a día de hoxe 7.200. A secretaría explica que entende que a subvención asumirá estes 2.000 euros pero que é decisión dos socios e socias en asemblea decidir se asumen o risco financieiro. Unha das presentes realiza un cálculo aproximado duns 46 euros por familia se chegase o caso de ter que asumir a Anpa o pago da ludoteca. A secretaría indica que, para facilitar a implantación da ludoteca, a empresa Tempus que emprega a coidadora, non cobrará o servizo ata a resolución da subvención.

Outro dos participantes, David Rodríguez, explica que o servizo concilia-mañás tivo o mesmo problema no ano que se inugurou e que a ANPA tivo coa aprobación dos socios e socias que asumir o risco. Argumenta ademais a importancia dos servizos de conciliación para manter a matrícula do CEIP e polo tanto a continuidade do centro.

Procédese á votación da continuidade da ludoteca co resultado de 14 votos a favor, a totalidade dos asistentes.

Ábrese o prazo de rogos e preguntas. Alberto Suárez pregunta se a Anpa está a decidir medidas de cara a asegurar a matrícula de todas as familias que soliciten a entrada no CEIP no vindeiro curso. A secretaría explica que todavía descoñecemos esa matrícula e que, polo de agora, os membros da Anpa están saturados co traballo cotiá que require esta asociación. O participante explica que sería positivo pensar algunha medida de difusión das ventaxes do CEIP para fomentar a matrícula. Decídese entre os participantes afondar máis nesta cuestión e entablar relacións con Anpas rurais da comarca que presenten as mesmas dificultades.

Ás 17:40 levántase a sesión

Coidados Com-partidos

 Finaliza un ano máis o programa para fomentar a igualdade entre homes e mulleres que promociona o Ministerio de Igualdad en colaboración coa Consellería de Política Social. 

Este ano a proposta do CEIP Os Casais foi Coidados Com-partidos; quen nos coida, como coidamos e como nos coidamos foron algúns dos temas tratados nas aulas e no exerior nun programa que forma a alumnado, profesorado e proxenitores. 

O ano que vén a Anpa Río de Va volverá a solicitar esta subvención para poder continuar con este programa

https://igualdade.xunta.gal/sites/default/files/files/documentos/si449b_modelo_cartel_-_castelan.pdf

Feliz e tranquilo verán!

Neste curso que ven de rematar na Anpa Río de Va CEIP Plurilingüe Os Casais comezamos loitando 💪 pola permanencia do servicio de comedor. Tocou sufrir un pouco pero conseguímolo 👏👏👏.

Tamén mantivemos o servicio de Madrugadores e as extraescolares, todo elo para convertir o noso cole, CEIP Plurilingüe Os Casais , nun referente en canto a conciliación se refire.

O que non contabamos o pasado outono é que despois de tanto esforzo, remataríamos o curso en xuño coa palabra incertidume a sobrevoar o noso centro escolar.
O interese de moitas familias por sumarse a esta pequena gran familia dos #casais veuse afectado, nas derradeiras semanas, pola deixadez de certos responsables públicos.

Como podemos ver na publicación do xornal, haberá que esperar ata o último momento para saber se as nosas crianzas terán ou non novas amigas coas que aprender ou novos compañeiros cos que compartir momentos.

Aspiramos a que finalmente nos permitan ser cada vez máis, e dende a Anpa Río de Va CEIP Plurilingüe Os Casais desexámosvos un feliz e tranquilo verán 🌞.

Modo galego, actívao!

O "Modo galego, actívao!" xa está en marcha no CEIP Plurilingüe Os Casais

O xogo comezou onte coa primeira pregunta sobre xeografía e historia. Os miolos puxéronse en marcha para saber cantos concellos limitaban co de Fene.

O xogo inspírase na iniciativa "21 días co galego e +", programa promovido pola Consellería de Cultura, Educación, Formación Profesional e Universidades, a través da Secretaría Xeral de Política Lingüística, que ten como finalidade promover o uso do galego oral entre a xente nova, dentro e fóra dos centros de ensino, no marco do Plan de dinamización da lingua galega na mocidade .

Coa colaboración da ANPA, das familias e do profesorado, ponse en marcha este xogo grupal que permite aprender e gozar a través de diferentes probas e que durará ata o día 13 de maio

Diariamente presentarase á saída na porta da escola unha proba sobre diferentes categorías podendo respostar ata a hora de entrada do día seguinte. A xogar! 

#xuntadegalicia
#conselleríadecultura
#Deputaciondeacoruña
#concellodefene

Entroido 2024. Don Pachorro.

Boas familias!

Por fin chegou o Entroido!!!

...semellaba que aínda faltaba tempo para os mandadiños do Meco pero non, xa temos que ir preparándonos para o luns levar as uñas pintadas de cores a semellanza do arco da vella

Por certo, ante a temática deportiva escollida polas crianzas do cole, houbo que darlle volta ao maxín e dende a ANPA decidimos finalmente presentarvos a: ❞𝗗𝗼𝗻 𝗣𝗮𝗰𝗵𝗼𝗿𝗿𝗼❞. El, a verdade que o intenta a nivel estilístico a lo menos, xa o vedes, pero non da arrincado do sofá para tentar ter unha vida activa e deportiva. O sedentarismo e a glotonería pésanlle máis que estar saludable (ata carie ten Don Pachorro. Terrible!) así que ante a falta de exemplo para as nosas crianzas, atopamos que debía converterse no Meco deste ano no CEIP Plurilingüe Os Casais, e ser queimado sen miramentos o vindeiro venres.

Grazas coma sempre a todas las familias que aportaron: mans traballadoras, saber facer e humor en cantidade, para crear en tempo récord a "Don Pachorro, non sen algunhas dificultades que quedarán para sempre na nosa memoria, e pola súa cara, tamén na memoria do propio "Don Pachorro" (non deixedes de mirar a ultima foto. A súa cara mentres o preparábamos é todo un poema)

p'

😁

                                    A desfrutar moito!

Festa!!!

Boas, familias!

Rematou o primeiro trimestre e fixémolo como ven sendo habitual organizando unha chocolata para a rapazada.

A decoración correu a cargo das maniñas xenerosas dalgunhas familias. De novo, grazas!

 

Estendemos os agradecementos ao Concello de Fene, á Deputación da Coruña e á Xunta de Galicia, polas diversas axudas económicas que permiten ter momentos de xuntanza e celebración entre as familias do cole.

Por último, felicitar as festas a todas as persoas que conforman a comunidade do CEIP Os Casais. 

Boas festas! 

Vémonos á volta.