ALMORZO CON PAPÁ NOEL

Ola familias,

 o pasado venres foi unha mañá a tope no cole. Chea de emocións, nervios, impaciencia, sorpresas, agasallos, satisfación...

Almorzamos todos xuntos un rico almorzo. Temos que agradecer a Leite Celta, que sempre está disposta a colaborar con nós. 

E chegou Papá Noel para acompañarnos e traernos unha morea de agasallos. Houbo sorpresas e ata emocións. 

Papá Noel tivo que seguir o seu camiño, pero nós non perdemolo tempo. Teatro Calavera representounos Onde está Larry? un conto no que todos participamos e pasamos moooi ben. Esta actuación estivo subvencionada pola Rede Cultural da Deputación de A Coruña.

A continuación as nosas familias acompañáronnos no festival de inverno.

Que pasedes bo nadal e non perdades nunca a ilusión!!!

Vémonos o ano que ven.

CESTA NADAL 2019

Ola familias,

 temos gañadores da cesta de Nadal 2019. Este ano quedou nunha casa do cole, na casa de Manel, alumno de 6º EP. Hoxe pasaron Marina e Manel a recollela. Desfrutádea moito!!!

Grazas a Gadis, que sempre está aí, colaborador incondicional e grazas a todos os que participáchedes con nós.

Grazas de corazón!!!

MODIFICACIÓN MENÚ COMEDOR 1º TRIMESTRE

Ola familias, 

 informamos da modificación do menú 1º trimestre que nos facilita o cátering na seguinte circular:

 "A raíz de las últimas recomendaciones de la Agencia Española de Consumo, Seguridad Alimentaria y Nutrición (AECOSAN), dependiente del Ministerio de Sanidad, Consumo y Bienestar Social, del pasado 29 de octubre referentes al consumo de pescado por parte de menores por presencia de mercurio, hemos realizado algunos cambios en el menú de este trimestre que queríamos trasladaros.

Como ya os comentamos a principios de mes, AECOSAN recomendó evitar el consumo en niños de hasta 10 años de pez espada-emperador, atún rojo, tiburón (cazón, marrajo, mielgas, pintarroja y tintorera) y lucio. La autoridad sanitaria emitió esta recomendación después de que estudios constataran que estas especies, al ser depredadoras, de gran tamaño y más longevas, acumulan unos niveles de mercurio que no las hace recomendables para el consumo por parte de la población considerada de riesgo (niños de hasta 10 años y mujeres embarazadas).

El menú de este primer trimestre contenía un plato elaborado con una de estas especies, la caldereta de cazón. Como consecuencia de la sustitución de este plato, hemos realizado algunas modificaciones en el menú que afectan a los días 22 de noviembre, 16 de diciembre y 20 de diciembre.

Os detallamos el menú de esos días tras las modificaciones:

• Viernes 22 de Noviembre - 1º Plato: Fideuá con pisto - 2º Plato: Guiso de choupa con patatas
•  Lunes 16 de Diciembre - 1º Plato: Fideuá con pisto - 2º Plato: Lomo fresco con brécol al horno
•  Viernes 20 de Diciembre - 1º Plato: Caldo gallego - 2º Plato: Pizza artesana de tomate, jamón y mozzarella

Perdonad las molestias por estos cambios. Quedamos a vuestra disposición para solucionar cualquier duda que pudiera surgir. "

Tedes a circular no seguinte enlace: Circular Jardanay_modificación menún 1º trimestre

 

MENÚ COMEDOR 1º TRIMESTRE

Ola familias,
 aquí vos deixamos o menú do comedor para o 1º trimestre:

Premede no seginte enlace para descargalo: Menú comedor 1º Trimestre 2019-2020

NOVA COLABORADORA DA ANPA. ANDREA BECHLIAN

Ola familias,

 os que acudíchedes o curso pasado á escola de pais coñeceredes a Andrea Bechlian, psicóloga, que nos estivo aprendendo sobre Disciplina Positiva.

Para os que non a coñecedes, dicirvos que Andrea abreu recentemente un despacho en Ares, na Rúa María, 148. Andrea colabora coa nosa Anpa, facendo un desconto do 10% presentando o carné de socio.

Entre outras cousas Andrea traballa con programas psicoeducativos integrais (en grupo ou invidualmente): Nen@s e adolescentes con TDAH, con altas capacidades, habilidades cognitivas e apoio ó estudo, programas de acopañamento á adolescencia, educación emocional e habilidades sociais, etc.

Disciplina positiva para familias e educadores, para adultos, para parellas.

Asesoramento familiar especializado basado na psicoloxía educativa, o enfoque da terapia familiar sistémica, a educación emocional e a disciplina positiva.

Podedes seguila no seu facebook: https://www.facebook.com/andreabechlianpsicologa/

Intentaremos aprender con ela moito máis este curso. Iremos informando.

Se tedes algún tema do voso interese que pensedes que podemos consultar con ela como grupo, non duvidedes en consultarnos para intentar tratalo no cole.

OFERTA ACTIVIDADES EXTRAESCOLARES

Queridas familias,

 a vindeira semana comenzarán as actividades extraescolares. Para este curso ofertamos as seguintes:

• LUNS: Baile (baile moderno, zumba, hip-hop, ritmos latinos...) en horario de 16:00h a 17:00h. Prezo: 10€/mes socios da Anpa e 15€/mes non socios.
• MARTES: Patinaxe en horario de 16:00h a 17:00h. Prezo: 10€/mes socios da Anpa e 15€/mes non socios.
• MÉRCORES: Obradoiros mensuais. Este mes de Outubro comenzaremos con cociña en horario de 16:00h a 17:15h. Prezo: 12€/mes (10€ cota + 2€ material) socios da Anpa e 17€/mes non socios. (15€ cota + 2€ material). 

 Recordade que estes obradoiros irán cambiando e iremos ofertando con tempo para apuntarse. Cada quén pode apuntarse ó que lle interese.

• XOVES: Teatro en horario de 16:00h a 17:00h. Prezo: 10€/mes socios da Anpa e 15€/mes non socios.

Este ano temos a posibilidade de aprender Alemán grazas a unha mamá do cole. Poderemos facelo como actividade anual, un día á semana (posible venres) ou ben como obradoiro mensual. Gustaríanos saber quén está interesado para organizar a actividade.

Todos os interesados en apuntarse a algunha actividade, por favor, cubride a ficha que se mandou polos nenos durante esta semana ou ben avisade á Anpa por mail, whatsapp...

Animádevos!!! As actividades extraescolares son moi importantes para o funcionamento da nosa asociación e a vida do cole. 

Grazas por participar e colaborar con nós!!!

MENÚ COMEDOR SETEMBRO

Ola familias,
 aquí vos deixamos o menú do comedor do mes de Setembro.

Para descargar o arquivo preme no seguinte enlace: Menú comedor Setembro 2019

COMENZO DE CURSO 2019-2020

Ola familias,

 casi estamos de volta outra vez!!!

Recordamos a tod@s que o próximo xoves 12 de Setembro estaremos de festa, xa que o curso pasado tivemos que cancelar a festa de Fin de Curso pola meteoroloxía, así que agora celebraremos a de Benvida ao novo curso. Estades todos convidados a acompañarnos.

Como indicou dirección, traede calcetíns para saltar nos inchables secos, para o acuático e festa da escuma: bañador, toalla, clanchas, gafas quen queira e protector solar. Merendaremos todos no cole como de costume.

Respecto ó comedor, decirvos que comenzará a funcionar con normalidade o luns 16 de Setembro, así que quen estea interesado en utilizalo pode avisar no cole ata as 9:00 do mesmo día ou á Anpa nos teléfonos 690313516 (María) ou 616846393 (Noe) por whatsapp, chamando ou por mail a ampariodeva@gmail.com.

Facilitamos tamén o calendario escolar da Xunta para este novo curso:

O próximo martes 17 na reunión xeral, estaremos para presentarnos ás novas familias e para tratar os temas relacionados có novo curso. Teremos tamén a roupa (chándals, camisetas, sudadeiras) que serigrafiamos có logo do cole para quen queira probar e encargar pedido.

Benvidas, familias. Como decimos sempre: a Anpa é de tod@s e para tod@s.

Vémonos moi prontiño!!!

EXHIBICIÓN ACTIVIDADES EXTRAESCOLES

Ola familias,

 tal e como indicou dirección, mañá, venres 7 de Xuño, a continuación da feira de Piteas que van facer os nenos para mostrarnos os seus proxectos, teremos a exhibición das actividades extraescoles deste curso que xa remataron.

Esto será aí polas 12:30h. Actuarán os alumnos de teatro, baile e patinaxe.

Agardávosmos!!!

CAMPUS DE VERÁN: DIVÍRTETE EN INGLÉS

Ola familias,

 como ben sabedes os nenos de 6º EP este curso participaron na actividade de inmersión lingüística "English week" que oferta a Xunta de Galicia. Debido á nosa participación, a empresa Play & Say, que se encarga de desempeñar esta actividade, púxose en contacto con nós para facer un campus de verán no noso cole.

Despois de solicitar a colaboración do concello e do cole, decidimos que a idea é estupenda e propuxémonos levala adiante.

Queremos informar que esta actividade está aberta a tódol@s nen@s, sexan ou non alumnos do noso centro, así que vos pregamos que difundades esta info a quen poida estar interesad@.

O noso obxectivo, ademáis de axudar a conciliar a vida laboral e familiar e de fomentar o uso da lingua inglesa é dar a coñecer o noso cole, as nosas instalacións, aproveitando que están nun entorno natural inmellorable.

Estamos seguros de que vai ser unha boa experiencia para quen queira compartir con nós eses días.

Animádevos!!!!

Para ver o folleto en pdf. preme no seguinte enlace: Ver folleto en .pdf

Tedes máis información na web de Play & Say: https://playandsay.org/divirtete-en-ingles-fene-veran19/

Neste mesmo enlace podedes facer a inscripción.

OBRADOIRO GRAFITE 2019

Ola familias,
 ollade qué chulada de grafite fixeron @s nos@s nen@s no obradoiro que está a piques de rematar:

Grazas a tod@s @s participantes, e a Edgar e María, por aprendernos cousas tan chulas!!!

REVÁLIDAS 3º E 6º EP CURSO 2018-2019

Ola familias,

 pasamos a información da Federación de Anpas sobre as reválidas deste curso, afectando a 3º e 6º de primaria. 

Nós como Anpa, apoiamos a inciativa de non mandar ós nenos ó cole como rexeitamento destas probas coas que non estamos de acordo.

REXEITAMENTO DAS REVÁLIDAS

Un ano mais as probas de avaliación volven a realizarse nos centros educativos galegos o 28 e 29 de maio. Un ano mais as familias que formamos parte da Confederación ANPAS GALEGAS volvemos a rexeitar todas estas probas de avaliación, comunmente chamadas reválidas, sexa en 3ºEP, 6ºEP ou en 4º ESO.

Estamos en contra porque entendemos que non achegan ningún beneficio para a educación dos nosos fillos e fillas, cuestionan innecesariamente a profesionalidade do profesorado ao non validar as súas conclusións logo dun ano de traballo, e someten ao alumnado a unha tensión e nervios innecesarios que interfire no seu proceso formativo ao coincidir de cheo cos exames.

Estamos en contra, porque a súa consolidación implica o risco de perder anos completos de formación se o profesorado se centra na preparación destas probas, tal e como ocorre en 2o de bacharelato que só existe para preparar as ABAU, marxinando outros aspectos educativos fundamentais para acadar unha formación o máis completa posíbel.

Con estas probas o que se pretende é ir asentando un sistema educativo competitivo, clasista e segregador que excluirá os sectores máis desfavorecidos da educación pois non se están a considerar as circunstancias persoais e socioeconómicas das familias, nin as capacidades e aptitudes do alumnado.

Xa temos ao alumnado facendo exames todo o curso, e sabemos que o sistema educativo non se avalía con dous días de probas mal organizadas. Non é o alumnado a quen hai que avaliar a maiores, máis ben será a Administración Educativa quen precisa dunha fonda avaliación. 

Por todo isto, as familias que formamos parte da Confederación ANPAS GALEGAS rexeitamos estas probas de avaliación e animamos ás familias a non mandar aos seus fillos e fillas ó colexio eses días.

Un ano mais volven as probas e un ano mais seguimos rexeitando as probas.

Tedes unha presentación explicativa premendo no seguinte enlace: Presentación reválidas 3º e 6º de EP

MENÚ COMEDOR 3º TRIMESTRE

Ola familias,
 aquí tedes o menú do comedor do 3º trimestre.

Premede no seguinte enlace para velo ou descargalo en .pdf: Menú 3º Trimestre .pdf

FOLGA XERAL DÍA INTERNACIONAL DA MULLER TRABALLADORA 8 DE MARZO

Ola familias,
 trasladamos a información que nos facilita a federación de anpas.

"Como xa todas/os saberedes a Comisión do 8 M convocou para o vindeiro VENRES DÍA 8 DE MARZO unha "FOLGA XERAL FEMINISTA" que rematará con manifestacións en todas as cidades do Estado, convocatoria de folga e mobilizacións secundada por sindicatos, por algún partidos políticos e por multitude de organizacións sociais.

     Entre as organizacións que secundan esta mobilización, tan importante a prol da necesaria IGUALDADE, está a CONFEDERACIÓN ANPAS GALEGAS, Confederación da que a FEANPAS formamos parte dende a súa creación e, polo tanto, dende a FEANPAs queremos trasladar a todas as ANPAS e consecuentemente a todas as familias a importancia da participación activa nesta convocatoria.

     Xuntamos a este escrito TRES documentos (unha convocatoria para as familias, unha solicitude para os Centros educativos e un xustificante xenérico para as familias) que consideramos importante podan ser distribuidos entre as familias e entre os centros educativos."

Chamado xeral folga 08/03/2019

Escrito dirixido á dirección dos centros

Xustificación de non asistencia ás clases

Premede nos enlaces anteriores para máis información.

FESTA DO ENTROIDO

Ola familias,

 o pasado venres foi día de festa. Pero de festa, festa. Como nos gusta esto de entroidar!!!

Foi un día especial, cheo de súper poderes de todo tipo: súper heroes, súper heroínas, súper radiactive teacher, súper galegas, súper tablas, súper mascotas, súper avoa, súper pipi....podería estar a escribir 1000 liñas para poñelos a tod@s.

Pasámolo xenial con Pakolas (Paco Cerdeira) que nos agasallou có rock máis súper rockeiro de tódolos rockeiros. Eres xenial, Paco.

Saímos a facer o desfile e a queima do meco, que este ano, como houbo indulto para Súper Mica e Rato Gordecho, queimamos ó Súper Villano do Xadrez que atopamos agochado o xoves no cole.

E despois de tanta leria tiñamos fame e...a papar a Súper Merenda de doces típicos do entroido. Grazas ás familias por facernos eses doces taaaannn ricos. 

Os doces que sobraron foron levados á Cociña Económica de Ferrol. Grazas a Felipe e Fátima por levalos.

Grazas a todos por acompañarnos nese día. Encántanos que veñades e desfrutedes con nós.

Unha súper aperta e ata a próxima.

 Entroidade moito nas mini-vacacións!!!

COMENZAMOS O ENTROIDO

Ola familias,

 mañá xa comenzamos o entroido no noso cole. É por iso que presentamos o meco de este ano, que neste caso son dous.

Como ben sabedes o tema de este ano foi escollido en asamblea polos nenos e saíu Superheroes.

Para que buscar un superheroe? si xa temos dous na nosa biblio. Sí, sí, Micabigotes e o Rato Gordecho, por qué non nomealos superheroes si en certo modo son salvadores dos nenos que non len? E así foi que decidimos representalos, velaquí os tedes, preparados para os mandados:

Temos que dar as grazas ás nosas familias, que acaban enguedelladas nestas trangalladas que facemos :-)  Grazas, Jorge, por ser o noso carpinteiro unha e outra vez, grazas, Tino por traballar para nós e grazas, Maru, por darlle á agulla. Mil bicos, querémosvos!

MENÚ COMEDOR 2º TRIMESTRE

Ola familias,
 aquí tedes o menú correspondente ó 2º trimestre:

Tédelo en .pdf no seguinte enlace: Menú 2º Trimestre.pdf